Rusiya və İran Ukrayna və Qəzza zolağındakı münaqişələrə vaxtında reaksiya vermədiyi üçün Qərbin zəifliyini hiss edirlər...
Poliqon xəbər verir ki, bunu Sky News telekanalının müdafiə və təhlükəsizlik üzrə redaktoru Debora Hayns bildirib.
Debora Haynsa görə Qərbin Ukraynaya yardım göstərməməsi səbəbindən İran hakimiyyəti daha qətiyyətli mövqe nümayiş etdirir. Müəllif həmçinin diplomatik mənbədən sitat gətirir: “Bu səbəbdən İran, Rusiya və Çin hazırda iki müharibə arasında parçalanmış Qərbin zəifliyini hiss edirlər”.
Debora Hayns vurğulayır ki, İsraillə İran arasında gərginliyin artması daha çox Qərb ölkələrinin yenidən silahlanma və yardıma böyük sərmayə yatırmaq istəməməsi ilə bağlı olub. Müəllif qeyd edir ki, bu ölkələrin rəhbərlərinin vəziyyətin gərginləşməsinin qarşısını almaq çağırışları o qədər də ağır çəkiyə malik deyil və real nəticələrə gətirib çıxarmır.
Poliqon.info