Avropa Komissiyasının rəhbəri bildirib ki, Aİ son hadisələrlə əlaqədar İrana qarşı sanksiyaların genişləndirilməsini nəzərdən keçirəcək...
Avropa İttifaqının hələ ki, İran Silahlı Qüvvələrinin elit bölməsi olan İslam İnqilabı Keşikçiləri Korpusunu (SEPAH) terror təşkilatları siyahısına əlavə etmək imkanı yoxdur.
Poliqon xəbər verir ki, bunu Fransanın “Monde” qəzetinə müsahibəsində Aİ-nin xarici siyasət və təhlükəsizlik siyasəti üzrə ali nümayəndəsi Cosep Borrel deyib.
“Biz dəfələrlə “İnqilabın keşikçiləri”nin terror təşkilatları siyahısına daxil edilməsini müzakirə etmişik, bunu ABŞ-ın keçmiş prezidenti Donald Tramp da edi. Lakin bu, Aİ üzvü olan dövlətin məhkəmə orqanının bu təşkilatın terror aktı törətdiyini sübut etməsini tələb edir. Hazırda bu, belə deyil”, deyə Borrel bildirib.
Tehrana qarşı yeni sanksiyalardan danışan Aİ diplomatiyasının rəhbəri bildirib ki, bunun üçün ilk növbədə “sanksiya edilə bilən obyektlər” lazımdır.
Bundan əvvəl Avropa Komissiyasının rəhbəri Ursula fon der Leyen bildirmişdi ki, Aİ son hadisələrlə əlaqədar İrana qarşı sanksiyaların genişləndirilməsini nəzərdən keçirəcək.
Xatırladaq ki, İran Silahlı Qüvvələrinin elit bölməsi İslam İnqilabı Keşikçiləri Korpusu aprelin 14-nə keçən gecə İsrail təyyarələri tərəfindən İranın Suriyadakı konsulluğunun ayın əvvəlində məhv edilməsinə cavab olaraq İsrailə zərbələr endirib.
Polion.info
Digərxəbərlər
Populyar xəbərlər
