Çinin müdafiə naziri Dun Tsun Pentaqon rəhbəri Lloyd Ostinlə videokonfrans danışıqları aparıb...
Poliqon xəbər verir ki, Çin hərbi idarəsinin məlumatına görə, tərəflər ikitərəfli əlaqələr, hərbi sahədə əməkdaşlıq və Tayvan məsələsini müzakirə ediblər. Bu, Çin və ABŞ hərbi idarələrinin rəhbərləri arasında 2022-ci ildən bəri ilk söhbətdir.
“Birləşmiş Ştatlar Çinin qəti mövqeyini tanımalı, Çinin ərazi suverenliyinə, eləcə də Cənubi Çin dənizindəki hüquqlarına və maraqlarına səmimi şəkildə hörmət etməli, regional sülhü və iki ölkə ilə iki ordu arasında münasibətlərin sabitliyini qorumaq üçün əməli addımlar atmalıdır”, deyə Çin Müdafiə Nazirliyinin açıqlamasında bildirilir.
Çinin müdafiə naziri həmçinin vurğulayıb ki, Çin və ABŞ hərbçiləri ölkələr arasında münasibətləri sabitləşdirmək və təhlükəsizlik zəmanətlərinə nail olmaq üçün təmas qurmaq və “açıq və praqmatik əməkdaşlıq” təmin etmək üçün bir yol tapmalıdırlar.
Lloyd Ostin, öz növbəsində, ABŞ-ın vahid Çin prinsipinə sadiq olduğunu vurğulayı, bölgədə beynəlxalq hüquqa hörmət edilməsinin zəruriliyini və Şimali Kboreyanın təxribatı ilə bağlı narahatlıqları müzakirə edib. Pentaqonun məlumatına görə, tərəflər Ukraynadakı münaqişə ilə bağlı da fikir mübadiləsi aparıblar.
Poliqon.info