ABŞ İsrailə hücuma görə İrana qarşı yeni sanksiyalar tətbiq edəcək    

Poliqon "Bloomberg"ə istinadən xəbər verir ki, Ağ Evin milli təhlükəsizlik üzrə müşaviri Ceyk Sallivan sanksiyaların "yaxın günlərdə" həyata keçiriləcəyini deyib.

O əlavə edib ki, ABŞ "hərtərəfli cavab" üçün G7 dövlətləri və digər tərəfdaşlarla öz hərəkətlərini koordinasiya edir.

"Biz bütün dünya üzrə müttəfiqlər və tərəfdaşlarla, eləcə də Konqreslə koordinasiyalı şəkildə hərəkətə keçməkdə tərəddüd etməyəcəyik ki, İran hökumətini şər və sabitliyi pozan hərəkətlərinə görə cavabdehlik danşısın", deyə Sallivan bildirib.

Onun sözlərinə görə, ABŞ İslam İnqilabı Keşikçiləri Korpusu və İranın Müdafiə Nazirliyinə dəstək verən təşkilatlara qarşı sanksiyaların tətbiqini elan edəcək və onların nümunəsini müttəfiqlərinin də izləyəcəyini gözləyir.

ABŞ rəsmisi deyib ki, ABŞ İran pilotsuz təyyarələrinə qarşı mübarizə aparmaq üçün Yaxın Şərqdə hava və raketdən müdafiə sistemlərinin inteqrasiyası üzərində işləməyə davam edir.

İran aprelin 14-nə keçən gecə İsrailə hücum edib. Xüsusilə, yüzlərlə pilotsuz təyyarə və raket buraxılıb. İDF hərbçilərin hava hədəflərinin əksəriyyətini vurduğunu bildirib. İranın İsrailə hücumu hava nəqliyyatında xaosa səbəb olub. Belə ki, ən azı 12 aviaşirkət öz marşrutlarını ləğv edib və ya dəyişib.

Poliqon.info