Antalyada Türkiyə, Rusiya və İran xarici işlər nazirlərinin görüşü keçirilir
Xatırladaq ki, Mövlud Çavuşoğlu, Sergey Lavrov və Cavad Zərifin birgə görüşündə Suriya böhranının nizamlanmasına və noyabrın 22-də Soçidə keçiriləcək İran-Rusiya-Türkiyə sammitinə dair məsələlər müzakirə olunur.
***
Bu gün Antalyada Türkiyə, Rusiya və İran xarici işlər naziri Mövlud Çavuşoğlu, Sergey Lavrov və Məhəmməd Cavad Zərifin görüşü keçiriləcək.
APA-nın verdiyi məlumata görə, görüşün əsas mövzusu Suriya böhranının tənzimlənməsi olacaq.
Üç ölkənin xarici işlər nazirləri bu formatda ilk dəfə ötən ilin dekabrında Moskvada görüşüb və Suriya böhranının tənzimlənməsi üzrə prosesin canlandırılması barədə razılığa gəliblər. Bir ay sonra isə Qazaxıstanın paytaxtında Astana formatı start götürüb. Bu formatın iştirakçıları qarant ölkələr qismində Türkiyə, Rusiya və İran, digər tərəfdən Suriya hökuməti və silahlı müxalifətdir. Doqquz ay ərzində Astana danışıqlarının 7 raundu keçirilib, nəticədə Suriyanın cənub-qərbində, Şərqi Qutada, Hums şəhərində və İdlib vilayətində təhlükəsiz zonaların yaradılması barədə qərar verilib.
pia.az
Digərxəbərlər
Populyar xəbərlər
