Salyan Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində fevralın 1-də Hacı Hüsnü Həsənovun evindən 100.000 manat dəyərində qızıl əşyalar və 1 ədəd “Churcill” markalı tüfəng (müvafiq sənədləri olan) oğurlamış Qarabağlı kənd sakini, əvvəllər məhkum olunmuş Şakir Ağamalıyev tutulub
Xatırladaq ki, Hacı Hüsnü Həsənov Qafqaz Müsəlmanları İdarəsinin (QMİ) Salyan və ətraf 6 rayon üzrə qazısıdır.
Hacı Hüsnü Həsənov oğurluq hadisəsi baş verərkən bildirmişdi ki, oğru evə səhər saatlarında pəncərədən girib.
Həmin vaxt ailəsi ilə İranda müalicə aldığını deyən QMi nümayəndəsi vurğulamışdı ki, hadisə baş verərkən evdə heç kim olmayıb.
Hüsnü Həsənov onu da bildirmişdi ki, heç kimlə şəxsi ədavəti, yaxud problemi olmadığı üçün konkret kimdənsə şübhələnmir.(virtualaz.org)
pia.az