Bu gecə saatlarında Lənkəranda polis əməkdaşı faciəvi şəkildə ölüb
PİA.AZ anspress-ə istinadən xəbər verir ki, Su Nəqliyyatında Polis İdarəsinn Lənkəran xətt polis şöbəsinin polis serjantı, rayonun Şirinsu kənd sakini, 1986-cı il təvəllüdlü Məlik Əlizamin oğlu Cahangirovu yüksək gərginlikli elektrik cərəyanı vurub.
Polis hadisə yerində dünyasının dəyişib.
Hadisə keçirilən reyd zamanı baş verib. Belə ki, 5 nəfərdən ibarət reyd keçirən qrup qanunsuz balıq ovu ilə məşğul olan dəstəni yaxalamaq istəyib. Bu zaman Məlik Cahangirov ov ilə məşğul olanların suya buraxdıqları elektrik enerjisinin qurbanı olub.
Hadisə nəticəsində 2 nəfərin saxlanıldığı deyilir.
Faktla bağlı rayon prokurorluğunda cinayət işi başlanıb, araşdırma aparılır.