“Ermənistan dost sayılmaq üçün o qədər xırda ölkədir ki...”
Musavat.com-un xarici KİV-ə istinadən verdiyi xəbərə görə, bunu Ümumrusiya İctimai Rəyin Öyrənilməsi Mərkəzinin direktoru Valeri Fyodorov jurnalistin “Niyə Ermənistan Rusiyanın dostlarının 1-ci üçlüyündə yer almayıb” sualını cavablandırarkən bildirib.
“Əgər orada qanlı müharibə qızışsa, onda əlbəttə, informasiya gündəliyində Ermənistan tez-tez görünərdi və təbii ki, insanlar onun adını tez-tez çəkərdilər” – qeyd edib Fyodorov. Onun sözlərinə görə, bütün tarixi və mövcud qarşılıqlı münasibətlərə rəğmən, “bu ölkə çox kiçikdir və ona görə də rusiyalılar onu sadəcə, hiss etmirlər”.
Xatırladaq ki, sorğuya görə, Rusiyanın dostlarının sırasında birinci üçlükdə Çin, Belarus və Qazaxıstan yer alıb.
pia.az