Bir neçə gündür yağan yağış Bakının bir sıra rayonlarında problemlər yaradıb
Problem Binəqədi rayonundan da yan keçməyib. Rayonun bəzi yerlərində gölməçələr yaranıb və sakinlər gölməçələrin fotolarını çəkərək sosial şəbəkədə yerləşdiriblər.
Bir neçə gün öncə prezidentin əfv fərmanı ilə azadlığa buraxılan "Xural" qəzetinin baş redaktoru Əvəz Zeynallı yağışın yaratdığı təbii fəsadların fotolarını sosial şəbəkədə paylaşaraq Binəqədi rayon İcra Hakimiyyətini hədəfə alıb.
İcra hakimiyyətindən baş redaktorun iradlarına cavab verilib.
Binəqədi rayon icra hakimiyyətinin şöbə müdiri Nuridə Allahyarova bildirib ki, Ə.Zeynallı icra hakimiyyətini tənqid etməkdənsə, yaranmış fəsadın aradan qaldırılması üçün görülən işlərə nəzər yetirsin: "Xural" qəzetinin həbsdən ölkə başçısının imzaladığı amnistiya aktına müvafiq azadlığa çıxan baş redaktoru Əvəz Zeynallı! Əgər dostluğumda sizi bir tanıyan varsa, onda ricam sizə çatdırsınlar ki, "danışmaq" ənənənizə yadırğadığınız üçün qəzetlərin birinə verdiyiniz açıqlamada qeyd edirsiniz ki, "Baksol ərazisində yağış suları fəsad törədib və bazar günü olduğu üçün icra hakimiyyəti rəsmilərinin telefonları sönülüdür, çox güman ki. sakinlər narahat edər deyə söndürüblər" kimi replikanıza cavab olaraq bu fotolara baxasınız. Binəqədi qəsəbəsinin icra nümayəndəsi Elxan müəllim və əməkdaşlar bazar günü səhər saatlarından o ərazidə olublar və təbiət hadisəsinin törətdiyi fəsadı aradan qaldırmaq üçün müvafiq işlər icra olunub. Və bu fotolar, həmçinin problem özü elə səhər saatlarında da rayonun rəsmi "Facebook" səhifəsində paylaşılıb. Telefona gəlincə, sizə yəqin hansısa obyektiv və ya subyektiv səbəblərdən verilən nömrələr yalnış olub, ancaq sakinlər üçün narahat olmayın. Onların qayğısına qalan dövlət və icra hakimiyyətinin rəsmiləri siz qəzetə müsahibə verdiyiniz vaxt elə sakinlərin yanında olublar! Yəni iş görüblər!"(Teleqraf.com).
pia.az