General Cozef Danfordan Baş Qərargah rəisi olur
ABŞ Prezidenti Barak Obama general Cozef Danfordın namizədliyini Silahlı Qüvvələrin Baş Qərargah rəisi vəzifəsinə irəli sürüb.
Ans press-in məlumatına görə, bu barədə Ağ evin rəsmi nümayəndəsi bildirib.
General Danford oktyabr 2014-cü ildən ABŞ-ın Dəniz Piyada Qoşunlarının korpusuna, iki il Əfqanıstanda beynəlxalq təhlükəsizlik qüvvələrinə başçılıq edib. 2003-cü ildə ABŞ-ın İraq əməliyyatları zamanı "Fighting Joe" ləqəbini qazanıb. 59 yaşlı C.Dunford bu vəzifədə ABŞ-ın ordu generalı Martin Dempseyi əvəzləyəcək. O, bu ilin sentyabrında istefa verəcək.
B.Obama ABŞ Silahlı Qüvvələri rəisinin müavini vəzifəsinə isə general Pol Selvanın namizədliyini irəli sürüb. O, ABŞ Hava Qüvvələrinin generalı, hazırda ABŞ Nəqliyyat Komandanlığının komandiridir.
Senatın tezliklə onların namizədliyini təsdiqləyəcəyi gözlənilir.
pia.az
Digərxəbərlər
Populyar xəbərlər
