Dövlət başçılarının Həştərxan sammitinin tarixi açıqlanıb
Xəzəryanı ölkələrin dövlət başçılarının Həştərxanda keçiriləcək IV sammitinin tarixi açıqlanıb.
ANS PRESS-in məlumatına görə, bu barədə Kremlin mətbuat xidmətindən bildirilib. Görüş 29 sentyabr tarixində keçiriləcək. Sammitdə Xəzəryanı ölkələrin qarşılıqlı əlaqələri müzakirə ediləcək.
Eyni zamanda 2010-cu ildə Bakıdakı sammitdə qəbul edilmiş qərarların reallaşdırmasının gedişatı, həmçinin əməkdaşlığın prioritetli istiqamətlərinin müzakirəsi nəzərdə tutulub.
Rusiya Federasiyası prezidenti Vladimir Putin IV Xəzər sammiti çərçivəsində Azərbaycan, İran, Qazaxıstan və Türkmənistan prezidentləri ilə görüşəcək.
Sammitdə çoxtərəfli sənədlərin imzalanacağı gözlənilir. Vladimir Putinin Xəzəryanı ölkələrin dövlət başçıları ilə ikitərəfli görüşləri də nəzərdə tutulub.