Qara Dəniz və Xəzər donanmaları gəmilərinin dəniz səfərlərinin intensivliyi 1,7 dəfə artıb
PİA.AZ oxu.az-a istinadən bildirir ki, bu barədə Rusiyanın Cənub hərbi dairəsinin mətbuat xidməti deyib.
"Qara Dəniz Donanması və Xəzər donanmasının gəmiləri 2016-cı ildə dənizdə hərbi-təlim tapşırıqlarını yerinə yetirərkən 197 min mil (366 min km) məsafə qət ediblər. Gəmilərin və sualtı qayıqların dənizdə keçirdikləri vaxt 2,3 min sutkadan artıq olub ki, bu da keçən ilin göstəricilərindən 1,7 dəfə artıqdır", - məlumatda deyilir.
Şəxsi heyətin hərbi hazırlığının intensivliyi Qara dəniz və Xəzər donanmalarına yeni gəmilərin və sualtı qayıqların daxil olması ilə mümkün olub. Bu həmçinin yeni silahlanma və hərbi texnikanın istifadəsilə hərbi əməliyyatların aparılmasında yeni üsulları tətbiq etməyə imkan verib.
Dəniz təlimlərində hərbçilər 470-dən çox hərbi tapşırıq yerinə yetiriblər. Onların sırasında 300-dən çox artilleriya və raket atışı və 150 mina-tral hərbi əməliyyat yer alır, bu isə keçən təlimlərin göstəricilərindən 40% artıqdır. Bununla yanaşı praktiki hərbi təlimlərin yerinə yetirilməsinin intensivliyi 1,5 dəfə artırıb.
pia.az
Digərxəbərlər
Populyar xəbərlər
