Rusiyaya məxsus kreyserdə baş verən yanğında xəsarət alanların sayı artıb

Rusiyaya məxsus “Admiral Kuznetsov” aviasiya daşıyan kreyserdə baş vermiş yanğında xəsarət alanların sayı artıb.

APA-nın TASS-a istinadən verdiyi xəbərə görə, yanğında xəsarət alanların sayı 12-yə çatıb.

Yaralılar xəstəxanaya yerləşdirilib. Onlardan birinin vəziyyəti ağır qiymətləndirilir.

Hadisə nəticəsində isə 3 nəfər itkin düşüb.

Rusiya Hərbi Dəniz Qüvvələrinə məxsus “Admiral Kuznetsov” aviasiya daşıyan kreyseri Murmanskda təmirə dayanıb.

Qeyd edək ki, “Admiral Kuznetsov” Rusiyanın yeganə aviasiya daşıyan kreyseridir.

pia.az