Artıq bir neçə gündür ki, ATV telekanalının rəhbəri Vüqar Qaradağlı ilə məşhur teleaparıcı Xoşqədəm Hidayətqızı arasındakı qalmaqal səngimək bilmir
Bu həftə mətbuat konfransı keçirən Xoşqədəm Hidayətqızı “Səni axtarıram” layihəsinin tam olaraq özünə aid olduğunu, lakin ona verilən efir vaxtı və hörmətdən dolayı layihənin Müəlliflik Hüququ Agentliyində qeydiyyatdan keçərkən ATV telekanalının da müstəsna hüquq sahibi olmasını özü istədiyini bildirib.
Hidayətqızının bu açıqlamasından sonra ATV telekanalının hazırkı prezidenti Vüqar Qaradağlı “Səni axtarıram” layihəsinin telekanalın keçmiş vitse-prezidenti Həsən Abdullayevə aid olduğunu bildirib.
“Veriliş ATV-də yaranıb. O vaxt vitse-prezident vəzifəsində çalışan Həsən müəllimin rəhbərliyi və məsləhəti əsasında bu lahiyə ərsəyə gətirilib. Yəni bu layihə kənarda hansısa prodakşının və yaxud da konkret bir şəxsin beyninin məhsulu olmayıb. ATV-nin məhsulu olub”.
PİA.AZ-ın məlumatına görə, məsələ ilə bağlı publika.az-a açıqlamasında Həsən Abdullayev “Səni axtarıram” layihəsi ilə heç bir əlaqəsi olmadığını bildirib.
“Bu məsələ ilə bağlı saytlar 3-4 gündür məni yığır və narahat edir. Əslində, o vaxt Xoşqədəm xanım mənə yaxınlaşaraq ideya barədə məlumat verdi və belə bir veriliş yaratmaq istədiyini bildirdi. Məndən efir vaxtı istədi, mən də ona efir vaxtı vermişəm. Öz layihəsini bizim telekanalda həyata keçirib. Bu gün kim nə deyirsə, onun mənə heç bir aiddiyyəti yoxdur. Bu layihənin mənimlə əlaqəsi yoxdur. Bu Xoşqədəm Hidayətqızının ideyasıdır".
pia.az
Digərxəbərlər
Populyar xəbərlər
