Yeni dərs ilinə, orta məktəblərdə dərslərin başlamasına sayılı günlər qalıb. Valideynlər uşaqlarına məktəb ləvazimatı almaq üçün şəhərin müxtəlif məkanlarında satılan mağazalara üz tuturlar
PİA.AZ-ın anspress-ə istinadən məlumatına görə, mağazalarda isə dərs üçün lazım olan bütün dərs ləvazimatlarını - dəftər-kitab, qələm və çanta, bir sözlə ürəyiniz istəyən hər şeyi tapa bilərsiniz. Qiymətlərə gəlincə isə hər qiymətə məktəb bazarlığı etmək mümkündür.
Satıc Zaur Ələsgərovun sözlərinə görə, keçən illə müqayisədə bu il məktəb ləvazimatı satışına tez başlanılıb.
Satıcı Natiq Həsənov bildirir ki, bəzi valideynlər məktəb ləvazimatı alarkən keyfiyyətə üstünlük verir, digər bir qisim valideynlər də var ki, qiyməti 40 AZN olan məktəb çantasını bəyənmir.
Satıcıların dediyindən aydın olur ki, 40-50 manatlıq məktəbli çantası da daxil olmaqla dərs ləvazimatı almaq olar. Lakin məktəbli geyimi bura daxil deyil.
Valideynlərin də çoxu bu qiyməti münasib sayır. Maraqlıdır onlar dərs ləvazimatları alarkən daha çox nəyə fikir verirlər, aldıqları malın qiymətinə, yoxsa keyfiyyətinə.
Alıcı Sevil Ələsgərova deyir ki, alacağı məktəb ləvazimatının keyfiyyəti onun üçün daha önəmlidir.
Alıcı Sərmayə Həziyeva söyləyir ki, qiyməti ucuz karandaşı alanda yaxşı yazmır o zaman uşaq da əsəbiləşir.
Qiymətdən narazı valideynlər də tapıldı. Onlar bir sıra yerlərdə qiymətlərin qaldırıldığından giley etdi.
Paytaxt sakinlərinin çoxu bu qənaətdədir ki, qiymətlə bərabər onlar üçün keyfiyyət də önəmlidir.
Yəni keyfiyyət nə qədər yüksək olarsa, pullarına da bir o qədər qənaət etmiş olarlar.
pia.az
Digərxəbərlər
Populyar xəbərlər
