Bakıda metroya nəzarət gücləndirilib. Əksər metrostansiyaların girişində təhlükəsizliyə nəzarət edən polislərin sayı artırılıb, gücləndirilmiş iş rejminə keçilib
Musavat.com-un müxbiri bununla əlaqədar “Neftçilər” metrostansiyasında müşahidə aparıb.
“Neftçilər” metrostansiyasında polis əməkdaşları sərnişinləri növbəyə düzərək, tək-tək yoxlayaraq, metroya daxil olmalarına icazə verirlər. Şübhəli bilinən çantaların içi yoxlanılır. Bu səbəbdən də metrostansiyasının girişində gözləyən sərnişinlərin sıxlığı yaşanır.
Bundan əlavə, metrostansiyasının platformasına da polis əməkdaşları nəzarət edirlər. Onların arasında mülki geyimlilər də var.
Qeyd edək ki, bu təhlükəzilik tədbirləri əhalinin daha çox istifadə etdiyi digər metrostansiyalarda da tətbiq edilir.
Sərnişinlər ehtimal edirlər ki, bütün bu yoxlamalar son hadisələrlə bağlıdır.
pia.az