Sabirabadda keçmiş məhkumdan yarım kiloqrama qədər narkotik vasitə götürülüb
APA-nın Mil-Muğan bürosunun məlumatına görə, Sabirabad Rayon Polis Şöbəsi əməkdaşlarının əldə etdiyi məlumat əsasında Həsənalı kənd sakini, əvvəllər məhkum olunmuş 1972-ci il təvəllüdlü Təbriz Xanoğlan oğlu Nuriyevin yaşadığı evdə əməliyyat-axtarış tədbirləri keçirilib.
Bu zaman evdə gizlədilmiş, çəkisi 483 qram narkotik vasitə olan qurudulmuş marixuana aşkar edilərək götürülüb. Saxlanılan şəxs götürülmüş maddi sübutla birgə istintaqa təhvil verilib.
Faktla bağlı cinayət işi başlanılıb.
pia.az