“ABŞ-Avropa alyansını ən çox zədələyən adam Trampdır” – “Le Monde”

Fransanın “Le Monde” qəzetinin siyasi analitiki Alen Fraşon Donald Trampın vurduğu ardıcıl zərbələrlə sarsılan ABŞ-Avropa münasibətlərinin sonrakı taleyini təhlil edib.

Müəllif bu ilin iyunun 6-da II dünya müharibəsində ABŞ qoşunlarının Fransaya çıxarılması ilə bağlı keçirilən bayram tədbirlərində D.Trampın “transatlantik bağların sarsılmazlığı” barədə sözlərini ən azı “əcaib” olaraq dəyərləndirib. “Çünki Ağ Evin indiki sahibi öz sələfləri ilə müqayisədə Amerika-Avropa alyansını ən çox zədələyən adamdır”,-deyə Fraşon qeyd edir.
Yazar trampzimin “qoca qitə”də artıq bir sualı doğurdunu dilə gətirir: “Bundan sonra Amerika (ABŞ) nə qədər bizim strateji partnyorumuz olaraq qalacaq”.

Çünki Fransadakı tədbirdən cəmi 3 gün öncə Donald Tramp Londonda “Breksit”i aktiv şəkildə müdafiə edib və yalnız “breskitçi” siyasətçilərlə görüşüb. O, Böyük Britaniyaya Avropa Birliyi ilə heç bir razılığa gəlmədən və borc ödəmədən tərk etməsini məsləhət görüb. Müəllifin fikrincə, Avropaya bundan artıq düşmənçilik lazım deyil.

“Bu gün Donald Tramp siyasətə boulinq oyunu kimi baxaraq qarşısındakı bütün keqlləri devirməklə məşğuldur. O, NATO-nun məqsədyönlülüyünə şübhə ilə yanaşır, II dünya müharibəsindən sonra Vaşinqtonun özü tərəfindən qurulan, sərbəst ticarət və multilateralizm (beynəlxalq hüquqla idarə edilən-red.) sütünları üzərində qurulan liberal dünya düzənini hədəfə götürüb, hətta Avopa Birliyini özü üçün düşmən bəlli edib”,-deyə yazıda bildirilir.

Vaşinqtonda yerləşən araşdırma mərkəzi Atlantik şuranın eksperti, fransız Benjamen Haddad avropalılara artıq dünyadakı bir çox məsələyə xəyal etdikləri kimi deyil, real əkildə, açıq gözlə baxmağı məsləhət görüb: “Avropa dünyanı Emmanuel Kantın hüquqşünas –oxucular klubu kimi deyil, konfrontasiya meydanı olaraq görməlidir. İndi qaçılmaz tarixi təkan baş verir. ABŞ Avropadan ayrılmaq yolunu götürüb”.

Amerikalı politoloq, Donald Trampın müttəfiqlərinə qarşı davranışlarını incələyən Robert Düjarrik isə avropalıların hələ də döyüş vəziyyətinə gəlmədiyinə təəccüb edir. “Onlar Amerikanın gedişindən sonra yaranacaq boşluğu necə doldurmaq barədə indidən düşünməlidirlər”,-deyə məqalədə vurğulanıb.(musavat.com)

pia.az