Bu ilin sonuna qədər ABŞ tanınmış “Apple” korporasiyası böyük ekranlı iPad istehsal edəcək
İKT.lent.az-ın “Business Insider” nəşrinə istinadən məlumatına görə, bu barədə şirkətdəki mənbələr xəbər verib.
“Apple” rəsmiləri hələ ki bu məlumatı rəsmən təsdiqləmirlər. Ancaq yayılan şayiələrə görə, şirkət ölçüsü böyük olan planşetin tərtibatı ilə 2012-ci ildən məşğuldur. Yeni məhsul “iPad Pro” adı altında satışa çıxarılacaq. Avadanlığın displeyinin ölçüsü 1,2 və ya 12,9 düym təşkil edəcək. Yeri gəlmişkən, bu məhsulun ölçüsü 13 düymlü “MacBook” noutbukunun ekranı ilə eynidir.
Artıq məlumdur ki, yeni avadanlıqlar üçün 12,9 ölçülü displeyin istehsalçısı Yaponiyanın “Sharp” və Cənubi Koreyanın “Samsung” şirkətləridir. Bu ekranlar isə 2732x2048 pikselə bərabərdir.
“Business Insider” nəşrinin analitikləri hesab edir ki, bununla da “Apple” yeni müştərilər cəlb edə biləcək. Çünki yeni “iPad Pro”nu müxtəlif biznes növlərində uğurla kompüter əvəzi istifadə etmək mümkündür.
pia.az
Digərxəbərlər
Populyar xəbərlər
