Avropa Parlamentinin (AP) Belçikadan olan üzvü Assita Kanko İranın aprelin 13-dən 14-nə keçən gecə İsrailə hücumu ilə əlaqədar Tehrana qarşı yeni sanksiyaların tətbiqinə çağırıb...
Poliqon xəbər verir ki, parlamentari Avropa diplomatiyasının rəhbəri Cozep Borrellə müraciətində ölkəyə ballistik raketlərin yaradılması üçün komponentlərin tədarükünə qadağa qoyulmasını nəzərdə tutan yeni sanksiyalar növü təklif edib.
"İranın İsrailə raket hücumundan sonra Komissiyanın vitse-prezidenti - Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrell Aİ-nin İrana qarşı əlavə sanksiyaları, məsələn, ölkəyə ballistik raket komponentlərinin tədarükünə qadağa qoyulmasını təklif etmək niyyətindədir?", deyə Kanko sual edib.
Aprelin 1-də İsrail Suriyanın paytaxtı Dəməşqdə İran səfirliyinin yanındakı binaya hücum edib. Hücum zamanı diplomatik missiya binası dağıdılıb, 16 nəfər həlak olub.
Aprelin 13-dən 14-nə keçən gecə İran İsrailə 185 pilotsuz uçuş aparatı, 36 qanadlı raket və 110 yer-yer raketi atıb. Tehran bu hərəkətləri diplomatik missiyasına vurulan zərbəyə cavab adlandırıb.
Poliqon.info